ថ្នាលឌីជីថល

ឃ្លាំងទិន្នន័យ Data EF

ថ្នាល Data EF នឹងដើរតួជាឃ្លាំងទិន្នន័យកណ្ដាលសម្រាប់ទិន្នន័យដែលពាក់ព័ន្ធនឹងវិស័យសេដ្ឋកិច្ច និងហិរញ្ញវត្ថុ ដោយរួមបញ្ចូលទិន្នន័យពីប្រភពផ្សេងៗដូចជា ក្រសួង-ស្ថាប័ន អង្គភាពរដ្ឋ ស្ថាប័នហិរញ្ញវត្ថុ ក្រុមហ៊ុនស្រាវជ្រាវ ក៏ដូចជាប្រភពអន្តរជាតិដែលមានសក្ដានុពលផងដែរ។ អភិក្រមនេះនឹងជួយកាត់បន្ថយការរាំងស្ទះក្នុង​ន័យពាក់ព័ន្ធនឹងផ្នែកទិន្នន័យសាធារណៈ និងជួយជំរុញនូវយុគសម័យថ្មីនៃការយល់ដឹងដែលផ្អែកលើទិន្នន័យជាគោល សម្រាប់ការអភិវឌ្ឍ។ ថ្នាលនេះនឹងជាជំនួយដល់អ្នកប្រើប្រាស់ក្នុងការសម្រេចចិត្ត ប្រកបដោយព័ត៌មានគ្រប់ជ្រុងជ្រោយ, កំណត់កាលានុវត្តភាពថ្មី។ ការផ្ដួចផ្ដើមនេះគឺស្របទៅតាមទិសដៅយុទ្ធសាស្ត្រអភិវឌ្ឍជាតិនៃប្រទេសកម្ពុជា និងជួយឱ្យប្រទេសកម្ពុជាក្លាយជាប្រទេសមួយដែលមានសេដ្ឋកិច្ចឌីជីថលនៅក្នុងតំបន់។